Piyada qatar yoluna çıxdı, paytaxtda hərəkət dayandı

Biz demək olar hər həftə Azərbaycanda piyadaların qatar yoluna çıxması xəbərini eşidirik. Nəticədə dəmir yollarında maşinistlərdən asılı olmayan səbəbdən ləngimələr və qəza riski yaranır. Sən demə, problem başqa ölkələrdə də varmış. 

Avtosfer.az xəbər verir ki, Fransanın Val-de Marn kommunasında (Paris yaxınlığında) relslərin üzərinə çıxan piyadanı qatar vurub. Nəticədə təxminən 6 saat ərzində parisdaxili və parisətrafı qatarların (RER) hərəkəti tamamilə dayanıb.
Hadisə yüksək sürətli qatar reyslərinə də təsir edib. Parisdən hərəkət edən  yüksək sürətli qatarların (TGV) da hərəkəti bir neçə saatlıq dayandırılıb. Nəticədə, istər Fransa şəhərlərinə, istərsə də Almaniya və Belçikaya gedən sərnişinlər mənzil başına ciddi gecikmə ilə çatıblar. Bu da bir daha piyadaların dəmir yolu üçün nə qədər böyük təhlükə yaratdığını göstərir.

Vüqar