Polis əməkdaşı taksi sürücülərini güllələdi, ölən və yaralananlar var

Tailandın paytaxtı Banqkokda sərhəd polisi əməkdaşı mototaksi sürücüləri ilə baş verən mübahisədən sonra silahdan istifadə edib. Nəticədə bir nəfər ölüb, daha iki nəfər yaralanıb.

Avtosfer.az Oxu.az-a istinadən xəbər verir ki, hadisədən sonra atəş açan şəxs könüllü olaraq hüquq-mühafizə orqanlarına təslim olub.

Məlumata görə, hadisə gecə saatlarında mototaksi dayanacağında baş verib. Şahidlərin sözlərinə görə, mübahisə ödənişlə bağlı olub və sözlü qarşıdurma qısa müddətdə silahlı insidentə çevrilib.

Atəş nəticəsində 37 yaşlı motosiklet sürücüsü hadisə yerində ölüb.

Daha iki sürücü isə ayaq və qol nahiyələrindən yaralanaraq xəstəxanaya yerləşdirilib.