Poverbank təyyarəni bu vəziyyətə saldı – QAYDA DƏYİŞİR - FOTO

Avropa aviaşirkətləri poverbankların daşınması ilə bağlı qaydaları sərtləşdirir.

Avtosfer.az xəbər verir ki, səbəb sözügedən qurğuların yanğın təhlükəsi yaratmasıdır. Avropa İttifaqının Aviasiya Təhlükəsizliyi Agentliyi bu barədə müvafiq tövsiyələr verib. Artıq “Lufthansa” və ona daxil olan “Swiss”, “Eurowings”, “Austrian Airlines”, “Discover”, “Brussels Airlines”, “Edelweiss” və “Air Dolomiti” qaydaları sərtləşdirib.

Yeni qaydaya görə poverbankın təyyarəyə keçirilməsinə icazə verilsə də, ondan istifadə qadağan edilir. Bu qurğunun baqajda daşınması da qadağandır. Bundan əlavə, salonda poverbankı əl baqajlarının yerləşdiyi hissəyə qoymağa da icazə verilmir. 

Qaydaların dəyişməsinə səbəb ötən il Koreyanın “Air Busan” şirkətində baş vermiş yanğındır. Poverbanka görə təyyarə uçuşa hazırlaşarkən baş vermiş yanğın hava gəmisini istismara yararsız hala salıb. Sərnişinlər ehtiyat pilləkənlə təxliyə edilib.

Vüqar