Prospektdə motosiklet sürücüsü son anda qəzadan xilas oldu - VİDEO

Paytaxtın Neftçilər prospektində, “Crescent Mall”un qarşısında yaranan təhlükəli vəziyyət kameraya düşüb.

Avtosfer.az-ın məlumatına görə, sürücü hadisənin videosunu sosial şəbəkə hesabında paylaşıb.

Kadrlardan görünür ki, yolun hərəkət hissəsindəki yağış barmaqlığı yerində yoxdur. Nəticədə həmin hissədən keçən motosiklet sürücüsünün təkəri boşluğa düşüb. Xoşbəxtlikdən sürücü idarəetməni itirməyib və qəza baş verməyib.

Görüntülər yolun hərəkət hissəsində bu cür təhlükəli boşluqların sürücülər, xüsusilə də motosiklet istifadəçiləri üçün ciddi risk yaratdığını göstərir. Belə halların qarşısının alınması üçün yol infrastrukturundakı nasazlıqların vaxtında aradan qaldırılması vacibdir.

Nərmin