Prospektdə təhlükəli hərəkət: Sürücü motosikleti orta zolaqda qoyub getdi - VİDEO

Paytaxtın Heydər Əliyev prospektində təhlükəli mənzərə müşahidə olunub.

Avtosfer.az-ın məlumatına görə, hadisə iyulun 27-də saat 09:01 radələrində qeydə alınıb.

Görüntülərdən məlum olur ki, motosiklet yolun hərəkət hissəsində, orta zolaqda saxlanılıb və sürücü nəqliyyat vasitəsində olmayıb.

Nəticədə motosiklet həmin istiqamətdə hərəkət edən nəqliyyat vasitələrinə maneə yaradıb və qəza təhlükəsi formalaşdırıb. 

Qeyd edək ki, qanunvericiliyə əsasən, nəqliyyat vasitələrinin hərəkət zolağında digər sürücülərə maneə yaradacaq şəkildə saxlanılması yolverilməzdir. Belə hallar həm yolun ötürücülük qabiliyyətini azaldır, həm də yol-nəqliyyat hadisələrinin başvermə riskini artırır.

Nərmin