Qaxda avtomobil alışıb yandı - FOTO

Qaxda “Mercedes Vito” yanıb.

Avtosfer.az qafqazinfo-ya istinadən xəbər verir ki, hadisə Şəki-Qax avtomobil yolunun rayonun Əmbərcay kəndi ərazisindən keçən hissəsində baş verib.

Belə ki, Balakən rayon 1987 ci il təvəllüdlü Məmmədov Nurlan Kamil oğlu “Mercedes Vito” markalı avtomobillə hərəkətdə olarkən avtomobil anidən alışıb. Yanğın yerinə Qax rayon YMH-nin yanğınsöndürən texnikaları cəlb olunub.

Yanğın zamanı avtomobilin motorxanası və yanar konstruksiyaları tamamilə yanıb. Xəsarət alan yoxdur.