Qəbələdə maşın iki kişi piyadanı vurdu - VİDEO

Qəbələ rayonu, Zarağan kəndində piyadaların vurulması ilə nəticələnən yol-nəqliyyat hadisəsi baş verib.

Avtosfer.az-ın məlumatına görə, qəza avqustun 26-da axşam saatlarında qeydə alınıb. Belə ki, hərəkətdə olan “KIA” markalı avtomobilin sürücüsü yolu təyin olunmamış yerdən keçən iki piyadanı vurub.

Hadisə nəticəsində 45 və 46 yaşlı kişilər müxtəlif dərəcəli bədən xəsarətləri alıblar. Əraziyə təcili tibbi yardım briqadası cəlb olunub. Yaralılara ilkin tibbi yardım göstərilib və onların vəziyyətinin qənaətbəxş olduğu bildirilir.

Faktla bağlı araşdırma aparılır.

Nərmin