Qubada bir ailənin 3 üzvü göbələkdən zəhərləndi - YENİLƏNİB

Qubada göbələkdən zəhərlənənlərin vəziyyəti açıqlanıb.

Avtosfer.az xəbər verir ki, bu barədə oxu.az-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, oktyabrın 2-si saat 06:40-da zəhərlənmə şübhəsilə üç nəfər (iki nəfər kişi cinsli, bir nəfər qadın cinsli) Quba Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

"1959-cu il (2 nəfər) və 1997-ci il təvəllüdlü şəxslərə dispepsiya (Mədənin və bağırsaqların funksional pozulması) diaqnozu təyin olunub və zəruri tibbi yardım göstərilib.

Vəziyyətləri qənaətbəxş qiymətləndirilən hər üç şəxs ambulator müalicə üçün evə buraxılıb", - məlumatda bildirilir.

***12:11
Qubada bir ailənin 3 üzvü göbələkdən zəhərlənib.

Avtosfer.az unikal-a istinadən xəbər verir ki, hadisə rayonunun Zərqova kəndində baş verib.

Kənd sakinləri Seyidova İqlimə Şahgədə qızı, Seyidov Seyid Mövlud oğlu və Seyidov Ümman Seyid oğlu meşədən göbələk toplayıb yedikdən sonra özlərini pis hiss ediblər.

Onlar Quba Rayon Mərkəzi Xəstəxanasına yerləşdirilib. 

Faktla bağlı araşdırma aparılır.