Rusiyadan Türkiyəyə uçan təyyarədə TƏŞVİŞ: Poverbank alışdı

Rusiyanın "Ural Hava Yolları" aviaşirkətinin Yekaterinburq-İstanbul reysini yerinə yetirən təyyarədə qeyri-adi insident baş verib.

Avtosfer.az "Haber Global"a istinadən xəbər verir ki, "Airbus A320" təyyarəsi Yekaterinburqdakı Koltsovo hava limanından havaya qalxdıqdan bir az sonra sərnişinlərdən birinin poverbankı alovlanıb.

Ekipaj operativ müdaxilə edərək alovu söndürüb. Yüngül xəsarət alan sərnişinə ilkin tibbi yardım göstərilib.

Hadisə uçuşun gedişinə təsir etməyib. Təyyarə İstanbul hava limanına təhlükəsiz eniş edib.

Aviaşirkət bildirib ki, ekipajın çevik və koordinasiyalı müdaxiləsi nəticəsində yanğın qısa müddətdə aradan qaldırılıb.