Samuxda qazi özünə məxsus avtobusu yandırdı - VİDEO

Samux rayonunun Sərkar kəndində nəqliyyat vasitəsi yanaraq yararsız vəziyyətə düşüb. Avtosfer.az-ın məlumatına görə, hadisə dekabrın 10-da səhər saatlarında qeydə alınıb. Belə ki, “Mercedes” markalı avtobusun salonunda başlayan alov qısa müddətdə nəqliyyat vasitəsinin digər hissələrinə yayılıb. İddialara əsasən, avtobusun sahibi Vətən müharibəsi iştirakçısı Samir adlı şəxs nəqliyyat vasitəsini bilərəkdən yandırıb. Xoşbəxtlikdən hadisə zamanı avtobusda insan olmayıb.

Qeyd edək ki, əraziyə Fövqəladə Hallar Nazirliyinin Dövlət Yanğından Mühafizə Hissəsinin əməkdaşları cəlb olunub. Nəqliyyat vasitəsi qısa müddətdə zərərsizləşdirilib. 
 

Nərmin