Sloveniya prezidenti qəzaya düşdü

Sloveniya Prezidenti Nataşa Pirts-Musarın olduğu avtomobil korteji qəzaya düşüb.

Avtosfer.az xəbər verir ki, yerli KİV-in məlumatına görə, hadisə iyulun 31-də ölkənin Kastelets tunelində baş verib.

Belə ki, prezident məzuniyyətdən paytaxta qayıdarkən kortejdəki iki xidməti avtomobil toqquşub.

Qəza nəticəsində iki nəfər xəsarət alıb. Bildirilir ki, dövlət başçısı yüngül xəsarət alaraq müayinə üçün xəstəxanaya aparılıb. Həkimlər onun vəziyyətini qənaətbəxş qiymətləndirib və qısa müddətdə evə buraxılacağı bildirilib.

Digər yaralının isə daha ağır xəsarətlər aldığı qeyd olunur. Qəzanın başvermə səbəbi hələlik açıqlanmayıb, faktla bağlı araşdırma aparılır.