Sumqayıtda mühafizəçi iş başında öldü

Sumqayıtda müəssisələrin birində çalışan mühafizəçi ölüb.

Avtosfer.az Teleqraf-a istinadən xəbər verir ki, hadisə şəhər ərazisində fəaliyyət göstərən zavodlardan birində baş verib.

Məlumata görə, müəssisədə mühafizəçi kimi çalışan 1972-ci il təvəllüdlü İlham Almazov iş başında olarkən qəfildən özünü pis hiss edib.

İş yoldaşları onu təcili tibbi yardım üçün xəstəxanaya aparmaq istəyiblər. Lakin Sülh prospekti ərazisində “Ford” markalı avtomobildə olarkən onun həyatını xilas etmək mümkün olmayıb.

Hadisə yerinə hüquq-mühafizə orqanlarının əməkdaşları cəlb olunub. Ölümün səbəbləri araşdırılır.