Toy faciəyə çevrildi: 367 nəfər zəhərləndi

Türkiyənin Bursa vilayətində keçirilən sünnət toyundan sonra 367 nəfər qida zəhərlənməsi şikayəti ilə tibb müəssisələrinə müraciət edib.

Avtosfer.az Türkiyə mediasına istinadən xəbər verir ki, bu barədə yerli səhiyyə idarəsi məlumat yayıb.

Bildirilib ki, tədbirdə düyü ilə birlikdə toyuq əti yeyən şəxslərdən 367-si özlərini pis hiss etdikdən sonra Orhaneli xəstəxanası və digər tibb müəssisələrinə müraciət edib.

Onlardan 74-ü xəstəxanaya yerləşdirilib. Müalicə olunanların əksəriyyəti evə buraxılıb, 23 nəfərin isə həkim nəzarətində saxlanıldığı bildirilib.

Hadisədən sonra qida nümunələri götürülüb və zəhərlənmənin səbəblərinin müəyyənləşdirilməsi üçün araşdırma başlanıb.

Nigar