Türkiyədə kütləvi zəhərlənmə: 41 nəfər xəstəxanaya yerləşdirildi

Niğde şəhərində iki ayrı müəssisədə çalışan 41 nəfər eyni iaşə şirkətinin hazırladığı yeməkdən yedikdən sonra ürəkbulanma və qusma şikayətləri ilə xəstəxanaya yerləşdirilib.

Avtosfer.az HaberGlobal-a istinadla xəbər verir ki, ilkin araşdırmaya görə, həmin şəxslər avqustun 25-də eyni şirkətdən alınan nahar yeməyini yeyiblər. Xəstəxanaya müraciət edənlərin ümumi vəziyyətinin yaxşı olduğu, həyati təhlükələrinin olmadığı bildirilib.

Hadisə ilə bağlı araşdırma aparılıb və aidiyyəti qurumlar tərəfindən inzibati tədbirlərə başlanılıb.

Nigar