Türkiyədə məktəbdə növbəti SİLAHLI İNSİDENT: Qız şagird təşviş yaratdı - VİDEO

Türkiyənin Van vilayətinin Tuşba rayonunda Polatoğlu ibtidai və orta məktəbində qız şagirdlərdən biri məktəbin ətrafında tüfənglə görüntülənib və təşvişə səbəb olub.

Bu barədə Avtosfer.az Türkiyə KİV-ə istinadən xəbər verir.

Məlumata görə, müəllimlər və valideynlər müdaxilə edərək silahı şagirdin əlindən alıblar. Hadisə yerinə gələn polis qrupları silahı müsadirə ediblər. Silahın içinin boş olduğu bilinib.

Məsələ ilə bağlı istintaq başladılıb. Şagird isə ifadəsinin alınması üçün polis bölməsinə aparılıb.

Şagirdin əlində silahla məktəbin qapısında dayandığı anlar yaxınlıqdakı vətəndaşlar tərəfindən mobil telefonla lentə alınıb.

Xatırladaq ki, daha əvvəl Türkiyənin Manisa şəhərinin Turqutlu rayonunda lisey qarşısında baş verən silahlı hücum nəticəsində çox sayda insan yaralanmışdı. Lisey şagirdlərindən biri silahla təhsil müəssisəsinə gələrək qarşısına keçənlərə atəş açmağa başlamışdı.