Tutduğu quşun ayağına butulka bağlayıb suya atdı - ANBAAN VİDEO

Azərbaycanda sosial şəbəkədə yayılan görüntülər cəmiyyətdə narazılıqlara səbəb olub.

Avtosfer.az xəbər verir ki, “TikTok” platformasında “ekiz.eskerov” adlı profilin sahibi tutduğu çöl quşunun ayağına plastik butulka bağlayaraq həmin anları əyləncə məqsədilə paylaşıb. Video qısa müddət ərzində geniş yayılıb və istifadəçilər arasında müzakirələrə səbəb olub.

Sosial şəbəkə istifadəçilərinin əksəriyyəti bu hərəkəti heyvana qarşı qəddar münasibət kimi qiymətləndirərək kəskin tənqid edib. Şərhlərdə bu cür davranışların yolverilməz olduğu və məsələ ilə bağlı aidiyyəti qurumların araşdırma aparmalı olduğu bildirilib.

Qeyd edək ki, Azərbaycan qanunvericiliyinə əsasən, heyvanlara qarşı qəddar rəftar qadağandır və belə hallara görə inzibati məsuliyyət nəzərdə tutulur. Hadisə ilə bağlı rəsmi qurumların mövqeyi hələlik açıqlanmayıb.

Eltac