Xəzərdə qayıq aşdı: İtkin düşənlər var

Dağıstanda Xəzər dənizi akvatoriyasında qayığın aşması nəticəsində itkin düşən şəxslərdən birinin meyiti tapılıb.

Avtosfer.az xəbər verir ki, bu barədə Rusiya Fövqəladə Hallar Nazirliyinin Dağıstan üzrə Baş İdarəsi məlumat yayıb.

Qayıqdakı şəxslərin yerli balıqçılar olduğu da təsdiqlənib. İlkin ehtimallara əsasən, qayıqda iki nəfər olub. İtkin düşən digər şəxsin axtarış əməliyyatları davam edir.

***15:53
Xəzər dənizi akvatoriyasında içərisində insanların olduğu qayıq aşıb.

Avtosfer.az xəbər verir ki, bu barədə Rusiya Fövqəladə Hallar Nazirliyinin Dağıstan üzrə Baş İdarəsinin mətbuat xidməti məlumat yayıb.

Qurumun məlumatına əsasən, hadisə oktyabrın 20-də Sulak qəsəbəsində, eyniadlı çayın mənsəbindən cənub-şərqdə qeydə alınıb. İlkin ehtimallara görə, iki nəfər itkin düşüb. Xəbərdə bildirilir ki, hazırda hadisə yerində axtarış-xilasetmə tədbirləri həyata keçirilir. Əməliyyatlara nazirliyin 28 əməkdaşı və 12 xüsusi texnikası cəlb olunub. Hadisənin bütün təfərrüatları araşdırılır.