Xırdalana giriş çətinləşdi: Kanalizasiya suları yolu dağıtdı - VİDEO

Xırdalana giriş-çıxışı təmin edən 3 yoldan biri (Vaz dairəsi istiqamətindən) olan yolda acınacaqlı vəziyyət davam edir.

Avtosfer.az xəbər verir ki, Həsən Əliyev küçəsi istiqamətindən Xırdalana doğru hərəkəti təmin edən və 120 yolu adlanan ərazidə hələ də yol şəraiti bərbad vəziyyətdədir.
ərazidə daim axan kanalizasiya suları buradan keçidi mümkünsüz edib, yola tökülən örtkü qatını yuyaraq böyük çalalar yaradıb.

Ərazi ilə bağlı əvvəllər də dəfələrlə şikayətlər edilsə də, bu yolda normal gediş-gəliş təmin edilməyib.

Bildirilir ki, bu yol Bakı Mühəndislik Universitetinə Xırdalan istiqamətindən gedən yeganə yoldur. Sentyabr ayında dərslərin başlamasından sonra ərazidə vəziyyət daha da acınacaqlı olacaq.

Könül Rauf