Xırdalanda asfaltı qazdılar, sakinlərə tozlu yol “hədiyyə” etdilər - VİDEO

Xırdalan şəhəri, Heydər Əliyev prospektində yolun asfalt örtüyünün bir hissəsi istifadəyə yararsız vəziyyətdədir.

Avtosfer.az-ın məlumatına görə, bununla bağlı sakinlərdən biri video çəkərək sosial şəbəkədə paylaşıb.

Kadrlardan görünür ki, yolun bir hissəsinin asfalt örtüyü qazılıb və sonradan bərpa edilməyib. Nəticədə həmin ərazidən keçən sürücülər və piyadalar çətinliklə üzləşirlər.

Nahamar yol səthi avtomobillərə zərər vurmaqla yanaşı, nəqliyyat vasitələrinin hərəkəti zamanı tozun havaya qalxmasına səbəb olur. Bu isə həm sürücülər, həm də piyadalar üçün narahatlıq yaradır.

Şikayətçinin sözlərinə görə, yol təmir məqsədilə qazılıb, lakin işlər başa çatdıqdan sonra asfalt örtüyü əvvəlki vəziyyətinə qaytarılmayıb.

Nərmin