Xırdalanda bir nəfər mübahisə etdiyi şəxslər tərəfindən bıçaqlanıb

Xırdalanda bıçaqlanma hadisəsi qeydə alınıb.

Avtosfer.az APA-ya istinadən xəbər verir ki, Xırdalanda 22 yaşlı Vüsal Orucov adlı şəxslə bir neçə nəfər arasında mübahisə yaranıb.

Daha sonra mübahisə davaya çevrilib və həmin şəxslər V. Orucovu döyərək ona bıçaqla xəsarət yetiriblər. Hadisənin nə üstündə olduğu bilinmir.

Bıçaqlanan şəxsin yaxınlıqdakı obyektlərin birində kuryer işlədiyi bildirilir.