Xırdalanda təhlükəli anlar: Ağac hərəkətdə olan maşının qarşısına aşdı - REAL VİDEO

Abşeron rayonu, Xırdalan şəhərində təhlükəli anlar kameraya düşüb.

Avtosfer.az-ın məlumatına görə, hadisə fevralın 4-də saat 14:17 radələrində qeydə alınıb.

Görüntülərdən məlum olur ki, yol kənarında yerləşən ağaclardan biri qəfil kökündən qoparaq hərəkət hissəsinə aşıb.

Xoşbəxtlikdən həmin anda ərazidən keçən “Chevrolet Cobalt” markalı avtomobil qəzadan son anda yayınıb. Təhlükəni vaxtında görən sürücü avtomobili dərhal saxlayıb.

Qeyd edək ki, gün ərzində güclü külək səbəbindən paytaxtın müxtəlif ərazilərində bu cür oxşar hallar müşahidə olunub.

Nərmin