Xırdalanda təhlükəli mənzərə: Sürücülər qəza riski ilə üz-üzədir - VİDEO

Xırdalan şəhəri, Heydər Əliyev prospektində açıq qalan yağış barmaqlığı sürücülər üçün təhlükə yaradır.

Avtosfer.az-ın məlumatına görə, bu barədə sakinlərdən biri sosial şəbəkə hesabında paylaşım edib.

Kadrlardan görünür ki, yolun hərəkət hissəsində yerləşən yağış barmaqlığının qapağı yoxdur. Bu isə həmin ərazidən keçən sürücülər üçün qəza riski yaradır.

Xüsusilə gecə saatlarında açıq qalan barmaqlığı görməyən sürücülərin avtomobillərinin təkərlərinin boşluğa düşməsi və nəticədə nəqliyyat vasitələrinə ziyan dəyməsi ehtimalı artır.

Sakin problemin aradan qaldırılması və baş verəcək qəzaların qarşısının alınması üçün aidiyyəti qurumların tədbir görməsinin vacibliyini qeyd edib.

Nərmin