Yanacaqdoldurma məntəqəsinin kafesi alovlandı – İlk müdaxiləni vətəndaşlar etdi - VİDEO

Masallı rayonunun Babaser kəndində yanğın hadisəsi qeydə alınıb.

Avtosfer.az-ın məlumatına görə, hadisə avqustun 5-də saat 11:00 radələrində “Luckyoil” yanacaqdoldurma məntəqəsinin ərazisində yerləşən kafedə baş verib.

İlkin məlumata əsasən, yanğın elektrik naqillərində baş vermiş qısaqapanma nəticəsində yaranan qığılcımdan başlayıb və qısa müddətdə genişlənib. Nəticədə kafenin bir otağı yanaraq yararsız vəziyyətə düşüb.

Hadisə zamanı alova ilk müdaxilə ərazidə olan vətəndaşlar tərəfindən edilib. Belə ki, yanğının daha geniş əraziyə yayılmasının qarşısı alınaraq söndürülüb.

Faktla bağlı araşdırma aparılır.

Nərmin