Yasamalda təhlükəli anlar: Piyada maşına çırpılmaqdan son anda qurtuldu - VİDEO

Paytaxtın Yasamal rayonu, Abbas Mirzə Şərifzadə küçəsində qayda pozan piyada kameraya düşüb.

Avtosfer.az-ın məlumatına görə, hadisə avqustun 26-da səhər saatlarında qeydə alınıb. Kadrlardan göründüyü kimi, gənc oğlan yolu müəyyən edilməyən hissədən, üstəlik avtomobillərin intensiv hərəkətinə məhəl qoymadan qaçaraq keçir. Bu zaman o, həm özünü, həm də görüntünü qeydə alan avtomobilin sürücüsünü təhlükə qarşısında qoyur. Xoşbəxtlikdən piyada maşına çırpılmaqdan son anda yayınır.

Qeyd edək ki, ərazidə piyadaların istifadə edə biləcəyi keçidlər mövcuddur. Buna baxmayaraq, bəzi piyadaların yolu təyin olunmayan hissədən keçməsi sürücülər üçün gözlənilməz vəziyyət yaradır və qəza riskini artırır.

Nərmin