Yenə vətəndaşlar ağacın aşmasından xəbər verir, qurumlardan reaksiya yoxdur - VİDEO

Paytaxtın Həsən Əliyev küçəsində yaşayan sakinlər yol kənarında yerləşən və hər an aşması ehtimal olunan ağacdan narahatdırlar.

Avtosfer.az xəbər verir ki, vətəndaşlar təhlükəni nəzərə alaraq ağacın üzərinə “Ağac aşa bilər, diqqətli olun” sözləri yazılmış xəbərdarlıq kağızı yapışıblar. 

Sakinlərin sözlərinə görə, məsələ təbiəti qorumaqla bağlı deyil, əksinə, uzun müddətdir baxımsız qalan bu ağac həm sürücülər, həm də piyadalar üçün ciddi təhlükə yaradır:

“Bu ağac hər an yola aşıb insanlara zərər vura bilər. Heç kim ağacı kəsin demir, amma bununla bağlı aidiyyəti qurumlar tədbir görməlidir”, – deyə sakinlər bildirirlər.
Onların fikrincə, ağacın müayinəsi aparılmalı, təhlükə yaratdığı təsdiqlənərsə, ya bərkidilməli, ya da təhlükəsiz şəkildə ərazidən götürülməlidir.

Eltac Zülfüqaroğlu