Yol verməmək üçün maraqlı bəhanə: “Maşınım xarab olub” dedi - VİDEO

Türkiyənin İstanbul şəhərinin Pendik rayonunda dar küçədə qarşılaşan iki sürücü arasında yol vermə üstündə mübahisə yaşanıb.

Avtosfer.az xəbər verir ki, hadisə zamanı üz-üzə qalan sürücülərdən biri geri çəkilərək yol vermək əvəzinə avtomobilinin nasaz olduğunu iddia edib. O, sözlərini təsdiqləmək üçün avtomobilin kapotunu açaraq nəqliyyat vasitəsində texniki problem yarandığını bildirib.

Digər sürücü isə bu davranışa etiraz edib. Avtomobildə uşağın olduğunu deyən qadın sürücü yaranmış vəziyyətin süni şəkildə uzadıldığını bildirərək polisə müraciət edib.

Hadisə nəticəsində dar küçədə nəqliyyatın hərəkətində çətinlik yaranıb və qısa müddətlik tıxac əmələ gəlib. Tərəflər arasında yaşanan mübahisə ətrafdakı şəxslərin də diqqətini cəlb edib.

Məsələ sürücülərdən birinin geri hərəkət edərək yolu boşaltmasından sonra həll olunub. Bununla da küçədə nəqliyyatın hərəkəti bərpa edilib.

Hadisənin görüntüləri sosial şəbəkələrdə yayılaraq istifadəçilər arasında müzakirələrə səbəb olub.

Eltac Zülfüqaroğlu