Zərdabda 1 hektarlıq ərazini yandıran şəxs saxlanıldı - FOTO

Zərdab rayonunda baş vermiş yanğın hadisəsini qəsdən törədən şəxs saxlanılıb.

Avtosfer.az-ın məlumatına görə, hadisə rayonun Hüseynxanlı kəndi ərazisində qeydə alınıb. Polis əməkdaşlarının keçirdiyi araşdırmalar nəticəsində yanğının kənd sakini Ə.Quliyev tərəfindən qəsdən törədildiyi müəyyən olunub.

Hadisə nəticəsində təxminən 1 hektar quru otlaq sahəsi yanaraq yararsız vəziyyətə düşüb.

Faktla bağlı qanunvericiliyə uyğun araşdırmalar aparılıb, əməli törətməkdə şübhəli bilinən şəxs barəsində hüquqi məsuliyyət tədbirləri görülüb.