Zərdabda faciənin təfərrüatı: Evdən çıxdı, bir daha geri qayıtmadı - VİDEO - YENİLƏNİB

Zərdab rayonunda 62 yaşlı Təhlə Qoca oğlu Mustafayevin su kanalında boğularaq ölməsinin təfərrüatı məlum olub.

Onun yaxınları Azərbaycan Televiziyasına (AzTV) bildiriblər ki, Təhlə Mustafayev səhər saatlarında evdən çıxıb və bir daha geri qayıtmayıb.

"Təhlə velosipedlə hərəkət edərkən su kanalına düşüb", - deyə mərhumun yaxınları bildiriblər.

Qeyd edək ki, rayon sakini, 1964-cü il təvəllüdlü Təhlə Qoca oğlu Mustafayevin meyiti sonradan su arxında aşkarlanıb. Meyit sudan çıxarılaraq aidiyyəti üzrə təhvil verilib.

Ətraflı süjetdə:

***15:17

Zərdab sakininin su arxından meyiti tapılıb. Avtosfer.az APA-ya istinadən xəbər verir ki, hadisə rayonun Təzəkənd kəndində baş verib. Kənd sakini, 1964-cü il təvəllüdlü Təhlə Qoca oğlu Mustafayevin meyiti su arxında aşkarlanıb. Meyit sudan çıxarılaraq aidiyyəti üzrə təhvil verilib. Faktla bağlı araşdırma aparılır.