Dayanacaqdan 25 min manat tapıldı, polisə təhvil verildi - FOTO + VİDEO

İstanbulun Edirnekapı səmtində dünən axşam saatlarında dostunun qızı ilə gəzintiyə çıxan Hənifə Öndər avtobus dayanacağında sarı bir paket tapıb. Paketin sahibsiz olduğuna diqqət yetirən Hənifə əvvəlcə məsələyə şübhə ilə yanaşıb. Əyilərək paketi götürən qadın onun içində külli miqdarda pul olduğunu görüb.

Avtobus dayanacağında heç kəsin olmadığını müəyyən etdikdən sonra pul ilə dolu paketi götürərək Eyüp rayon polis idarəsinə gedib. Polis əməkdaşları Öndəri göstərdiyi nümunəvi davranış səbəbi ilə təbrik ediblər.

Avtosfer.az DHA-ya istinadən xəbər verir ki, paketin içindən çıxan pulun miqdarı 25 min manat olub. Tapdığı pulun sahibinə çatmasını arzulayan Əminə polis idarəsində prosses başa çatdıqdan sonra evə gedib. Çəkdiyi fotoları sosial şəbəkədə paylaşıb. Restoranda çalışan Əminə alın təri ilə pul qazandığını, tapdığı paketin sahibinə verilməsini və pulun sahibi ilə tanış olmaq istədiyini bildirib. Polis əməkdaşları tərəfindən pulun əsl sahibini tapmaq üçün fəaliyyətə başlanılıb.