Dünyanın ən məzəli poçt qutuları – FOTO

Poçt sistemi bütün dünyada orta əsrlərdən başlayaraq istifadə olunan əlaqə sistemidir.

Avtosfer.az xəbər verir ki, poçt ittifaqı 1874-cü ildə yaradılıb.

Hər il oktyabrın 9-u bütün dünyada poçt sahəsində çalışanların peşə bayramı kimi qeyd olunur.

Azərbaycanda poçt sisteminin yaranması Səfəvilər dövlətinə təsadüf edir.

Azərbaycan Səfəvilər dövlətinin başçısı, görkəmli sərkərdə Şah İsmayıl Xətai ölkəni iqtisadi cəhətdən inkişaf etdirmək, onun ərazisini yadelli işğalçılardan qorumaq, həmçinin möhkəm dövlət idarəetmə sistemini yaratmaq məqsədilə ölkənin ucqar əyalətlərindən və xarici ölkələrdən məlumatlar toplamaq üçün müntəzəm fəaliyyət göstərən poçt rabitəsi yaradıb.

Azərbaycanda müasir formada poçtun yaranması XIX əsrin 1-ci qərinəsinə təsadüf edir. 1818-ci ildə Gəncə şəhərində ilk poçt kontoru açılmışdır.

Hazırda dünyada 600 mindən çox poçt rabitəsi şöbəsi fəaliyyət göstərir. Poçtdan vətəndaşın cəmiyyətdə hansı mövqe tutmasından asılı olmayaraq hər bir şəxs istifadə edə bilər.

Əsas xidmət – məktub yazışması poçt fəaliyyətinin vacib tərkib hissəsi olaraq qalır. Belə ki, poçt gəlirlərinin orta hesabla 45 faizi məktubların payına düşür. 

//a24.az