Dünyanın ən ucuz turizm məkanları - FOTO

Yay gəldiyi üçün çoxları istirahət planlaşdırır. Təbii ki, onların arasında xaricdə dincəlməyi seçənlər də çox deyil. 

Avtosfer.az xəbər verir ki, xaricdə istirahəti seçənləri qiymət məsələsi çox ciddi maraqlandırır. Baş ofisi Parisdə yerləşən “HelloSafe” təşkilatı dünyada turistlər üçün ən ucuz ölkələrin siyahısını hazırlayıb. 136 ölkənin yer aldığı siyahıda gecələmə, qidalanma və ölkədaxili nəqliyyat xərcləri nəzərə alınıb. Beynəlxalq nəqliyyat nəzərə alınmır. 

Beləliklə, dünyada turistlər üçün ən ucuz yer Laos seçilib. Turist burada gündəlik cəmi 15 avro xərcləsə yuxarıda qeyd edilən ehtiyaclarını ödəyə bilər. 

Siyahıda ikinci yerdə gündəlik 18 avro ilə Qazaxıstan, 20 avro ilə Qazaxıstan gəlir. 

Ən ucuz 15 ölkə arasında 25 avro ilə Ermənistan və 27 avro ilə Gürcüstan yer alır.

Ən bahalı yerlər isə Barbados adası (319 avro), Antiqua və Barbuda (299 avro) və Maldiv adalarıdır (259 avro).

Avropada ən bahalı turizm məkanı gündəlik 242 avro ilə İsveçrədir. Ən bahalı 15 turizm destinasiyası arasında yer alan yeganə Avropa ölkəsi də elə İsveçrədir.    

Azərbaycana gəldikdə isə, ölkəmizdəki turizm qiymətləri barədə məlumat saytda yer almır.

Vüqar Yaşaroğlu