Qədim gəmilərin qəbiristanlığı tapıldı - FOTO

Beynəlxalq alimlərdən ibarət qrup Qara dənizdə 40 qədim gəminin olduğu qəbiristanlıq tapıb. Qəbiristanlığa Qara dənizdə geofiziki araşdırmalar zamanı təsadüfən rast gəlinib. Tapıntı Bolqarıstanın ərazi sularında yerləşir. Avtosfer.az xəbər verir ki, Southampton Universitetinin dəniz arxeologiya mərkəzinin ekspertləri 1800 metr dərinliyinə iki sualtı robot yerləşdiriblər və məhz bunların vasitəsilə gəmiləri aşkar etmək mümkün olub. Alimlər qeyd edirlər ki, qəbiristanlıqda Osmanlı və Bizans gəmilərinə rast gəlmək olur. Artıq onların bəzilərinin görünüşünü 3D modelləşdirmə vasitəsilə bərpa etmək mümkün olub.//azərtac