Varlılar çox yaşayır, yoxsa kasıblar?

ABŞ-ın Şərqi Tenessi Universiteti (East Tennessee State University) alimləri insan həyatının uzunluğuna kasıblığın necə təsir etdiyini araşdırıblar.

Avtosfer.az Publika.az-a istinadən xəbər verir ki, aparılan araşdırmanın nəticələri alimləri çox təəccübləndirib. Belə ki, Amerikada kasıblar varlılardan 7-10 il az yaşayır.

Reuters xəbər verir ki, ABŞ-ın kasıb ştatlarında kişilər varlı ştatlarla müqayisədə 10 il, qadınlar isə 7 il az yaşayır. Kasıb ştatların əhalisi varlı ştatların əhalisi ilə müqayisədə 4,5 dəfə çox siqaret çəkir. Eynilə də piylənmədən əziyyət çəkənlər kasıb ştatlarda varlı ştatlara nisbətən 50% çoxdur.