Yadplanetlilər özləri özlərini yox edib – İDDİA

Məşhur fizik Brian Cox yadplanetlilərlə bağlı çox əhəmiyyətli bir iddia irəli sürüb. Avtosfer.az “a24.az”a istinadən xəbər verir ki, dünyanın ən məşhur fizikaçılarından olan ingilis elm adamı Brian Cox Dünya xaricində olan canlıların nüvə müharibəsi zamanı yox olduqlarını söyləyib.

O, yadplanetlilərin texnologiyada çox inkişaf etdikləri üçün nüvə müharibəsi nəticəsində mədəniyyətlərini yox etmiş ola biləcəyini düşünür. “Sunday Times” qəzetinə açıqlama verən ingilis alim bu səbəblə yadplanetlilərin keçmişdə insanlarla əlaqə qurma ehtimalının olduqca aşağı olduğunu qeyd edib.

Coxa görə, yadplanetlilər dünya ilə əlaqə qura biləcək bir texnologiyaya heç bir zaman sahib olmayıb və gələcəkdə də belə bir ehtimal olmayacaq.