Nəsimi rayonundakı işıqforlar niyə işləməyib? - AÇIQLAMA

Bakının Nəsimi rayonu ərazisində bir çox işıqforun işləməməsinin səbəbi məlum olub.

Avtosfer.az oxu.az-a istinadən xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzinin (NİİM) sektor müdiri Ömər Xıdırov açıqlama verib.

O bildirib ki, qeyd olunan ünvanda işıqforların işləməməsinə səbəb qurğunun özündə yaranan problem yox, ərazidə elektrik enerjisinin kəsilməsi olub:

"Qısa müddət ərzində aidiyyəti dövlət qurumu tərəfindən elektrik enerjisinin verilişi bərpa olunub. Hazırda yol hərəkəti iştirakçıları təhlükəsiz şəkildə yoldan istifadə edirlər".