Buzlu yollarda sürətlər qutusunu bu rejimə keçirmək maşına ziyan vurmur – ARAŞDIRMA

Əksər sürücülərin avtomatik transmissiyalı avtomobillərdə yalnız “D” (Drive) rejimindən istifadə etdiyi məlumdur. Lakin mütəxəssislər bildirirlər ki, sürət qutusunu qoruyan və təhlükəsizliyi artıran mühüm xüsusiyyətlərdən biri də seçicidəki “L” (Low – Aşağı) rejimidir.

Avtosfer.az xəbər verir ki, “L” rejimində mühərrik daha yüksək dövrlərdə işləyir və aşağı sürətlərdə əlavə dartma təmin olunur. Bu zaman mühərrikin əyləc sistemi də aktivləşir ki, bu xüsusilə uzun enişlərdə əyləclərin həddindən artıq qızmasının qarşısını alır. Mütəxəssislər bu funksiyanın daha çox dağlıq ərazilərdə, ağır yüklərin daşınmasında, yolsuzluq şəraitində və buzlu yollarda faydalı olduğunu qeyd edirlər.

“L” rejimi dağlıq və maili yollarda optimal sürətin saxlanmasına imkan verir, ağır yüklərin və qoşquların dartılmasını asanlaşdırır. Yolsuzluqda fırlanma momenti palçıqlı və sürüşkən səthlərdə bərabər paylandığından avtomobilin sürüşmə riski azalır. Eyni zamanda qar və buz üzərində nəzarətli enerji ötürülməsi qəfil sürüşmələrin qarşısını alır.

Bildirilib ki, bu rejimdən istifadə zamanı sürət ötürücülərinin rəvan dəyişdirilməsi vacibdir, yüksək dövrlərdə mühərrikin uzun müddət saxlanılması məsləhət görülmür. “L”mütəxəssisldən yalnız çətin yol şəraitində və qısa müddətə istifadə etmək tövsiyə olunur.

Eltac Zülfüqaroğlu