İtirilmiş sürücülük vəsiqəsinə görə cərimə ödənilməlidirmi? - VİDEO

Sürücülük vəsiqəsinin itirilməsi bir çox sürücünün qarşılaşdığı hallardan biridir. Redaksiyamızın qaynar xəttinə tez-tez ünvanlanan suallardan biri də, itmiş sürücülük vəsiqəsinə görə cərimə tətbiq olunub-olunmamasıdır.

Avtosfer.az xəbər verir ki, Azərbaycan qanunvericiliyinə əsasən, sürücülük vəsiqəsinin itirilməsinə görə cərimə nəzərdə tutulmayıb.

İtmiş vəsiqənin bərpası üçün sürücü müvafiq qurumlara müraciət edərək yeni sürücülük vəsiqəsi ala bilər. Bunun üçün şəxsiyyət vəsiqəsi, sürücülük vəsiqəsinin itirilməsi ilə bağlı yazılı ərizə və müəyyən edilmiş dövlət rüsumunun, yəni 30 manat 40 qəpik ödənilməsi tələb olunur.

Bəzi sürücülər yol polisinin sistemində vəsiqənin göründüyünə arxayın olaraq itmiş vəsiqəni yenisi ilə əvəz etməyə ehtiyac duymurlar. Qeyd edək ki, bu, qanunvericiliyə zidd bir hərəkətdir.

"Yol hərəkəti haqqında" qanunun 37-ci maddəsində qeyd olunub ki, nəqliyyat vasitəsinə dair sənədlər, o cümlədən sürücülük vəsiqəsi hər zaman sürücünün üzərində olmalıdır.

Nərmin