Texniki baxış bitdikdə bu müddət ərzində cərimə yazıla bilməz - QANUN

Avtomobilinizdə texniki baxış müddəti başa çatdığı zaman sürücüyə 20 gün müddətinə cərimə yazıla bilməz.

Press.az xəbər verir ki, son zamanlar sürücülərə texniki baxışın bitməsinə görə 50 azn məbləğində cərimə yazılır. Lakin qanunla texniki baxışın bitməsindən 20 gün müddətində sürücüyə heç bir məbləğdə cərimə nəzərdə tutulmayıb.

Bu "Yol hərəkəti haqqında qanun"-nun 30 cu maddəsində qeyd olunub:

Növbəti texniki baxışın keçiriləcəyi gün müəyyən edilərkən bu maddənin VI hissəsində nəzərdə tutulmuş müddətlər əvvəlki texniki baxışın keçirildiyi gündən hesablanır. Nəqliyyat vasitəsinin növbəti texniki baxışının keçiriləcəyi gündən 20 gün ərzində texniki baxışdan keçirilməməsi Azərbaycan Respublikasının İnzibati Xətalar Məcəlləsi ilə müəyyən edilmiş qaydada məsuliyyətə səbəb olur.