Adını təlimçi qoyub, amma qaydalara əməl etmir: "Ürəyim belə istəyir" - VİDEO

Son illər sürücülük təlimi ilə məşğul olanların sayı getdikcə artır. Lakin bəzilərinin peşəkarlıq səviyyəsi sual altındadır. Dəfələrlə Avtosfer.az saytında qayda pozan, sürücülüyü düzgün öyrətməyən təlimçilərin videolarını dərc etmişik. Bu dəfə də qayda pozan təlimçilərdən birinin videosunu təqdim etmək istəyirik.

Belə ki, 99-GX-933 qeydiyyat nişanlı "Nissan" markalı avtomobilin təlimçisi nəqliyyat vasitəsini idarə edən zaman təhlükəsizlik kəmərindən istifadə etməyib. Görüntünü isə sosial şəbəkədə paylaşaraq izləyici baxışı yığmağa çalışıb. Lakin rəy bölümündə təhlükəsizlik kəmərindən istifadə etməməyə görə irad bildirənlər olub. Xanım təlimçi isə "ürəyim istəyər bağlamaram, cəriməmi ödəyərəm" deyərək fikirləri ilə daha da qıcıq yaradıb.

Sözügedən videonu təqdim edirik.

Fərid