Avtomobillərin yolunu kəsən qadın sürücü iradlara sərt reaksiya verdi - VİDEO

Paytaxtın Xətai rayonu, Qədir Məmmədov küçəsi 7C ünvanında dayanma-durma qaydalarının pozulduğu an lentə alınıb.

Avtosfer.az-a göndərilən videoda 88-BD-934 dövlət qeydiyyat nişanlı “Changan” markalı avtomobilin sürücüsünün nəqliyyat vasitəsini sağ zolaqda park edilmiş avtomobillərin qarşısında saxlayıb və onların yolunu kəsib.

Şikayətçinin bildirdiyinə görə, sürücü hadisə zamanı avtomobildə olmayıb və əlaqə saxlamaq üçün nə telefon nömrəsi, nə də hər hansı bildiriş qoyub. Daha sonra avtomobilin sahibini tapmaq mümkün olsa da, qarşı tərəfin qadın sürücü olduğu və onun vəziyyətlə bağlı iradlara emosional və kobud reaksiya verdiyi iddia edilir.

Qeyd edək ki, qanunvericiliyə əsasən, dayanma-durma qaydalarının pozulması, xüsusilə digər nəqliyyat vasitələrinin hərəkətinə maneə yaradacaq şəkildə yolun tutulması inzibati məsuliyyət yaradır və belə hallarda sürücülər barəsində cərimə tətbiq oluna bilər.

Nərmin