Bahalı avtomobiliylə səkini zəbt edib piyadaları təhlükəyə atdı - VİDEO

Paytaxtın Binəqədi rayonu, 7-ci mikrorayon ərazisində dayanma-durma qaydalarını pozan sürücü lentə alınıb.

Avtosfer.az-ın məlumatına görə, hadisə iyunun 24-də səhər saatlarında qeydə alınıb. Görüntülərdən məlum olur ki, 77-GM-152 dövlət nömrə nişanlı “Lexus” markalı avtomobilin sürücüsü nəqliyyat vasitəsini piyadaların hərəkəti üçün nəzərdə tutulmuş səkidə saxlayıb.

Nəticədə piyadaların səkiylə hərəkəti məhdudlaşıb. Vətəndaşlar məcburən yolun hərəkət hissəsinə çıxaraq hərəkəti davam etdiriblər ki, bu da onların təhlükəsizliyi üçün əlavə risk yaradıb.

Qeyd edək ki, səkilər avtomobillərin park edilməsi üçün deyil, piyadaların təhlükəsiz və maneəsiz hərəkəti üçün nəzərdə tutulub.

Nərmin