Bakıda avtobus sürücüsü sağa dönənlərin yolunu kəsdi - VİDEO

Paytaxtda avtobus sürücüsü yol hərəkəti qaydasını pozub.

Avtosfer.az-ın məlumatına görə, hadisə oktyabrın 19-da saat 14:46 radələrində Vaqif prospekti və Səməd Vurğun küçəsinin kəsişməsində qeydə alınıb.

Belə ki, M6 marşrut xətti üzrə hərəkət edən 99-OJ-661 dövlət nömrə nişanlı “BMC” markalı avtobusun sürücüsü zolaqda düzgün yerləşmə qaydasına əməl etməyib. Görüntülərdən aydın olur ki, yalnız sağa dönməyə icazə verən zolaqdan sola dönən sürücü sağa hərəkət edən nəqliyyat vasitələrinin yolunu kəsib.

Xatırladaq ki, qanunvericiliyə əsasən, sürücülər hərəkət istiqamətindən asılı olaraq müvafiq zolaqda yerləşməli və yol nişanlarının tələblərinə əməl etməlidirlər. Belə manevrlər digər nəqliyyat vasitələrinin hərəkətinə mane olmaqla yanaşı, qəza şəraiti də yarada bilər.

Nərmin