Bakıda avtoyuma məntəqəsinin işçisi qəza törədib, ölən var - FOTO

Bakıda ölümlə nəticələnən yol qəzası baş verib. Avtosfer.az-ın APA-ya istinadən məlumatına görə, hadisə paytaxtın Yasamal rayonu, Yeni Yasamal yaşayış massivi, Dadaş Bünyadzadə küçəsində qeydə alınıb. Avtoyuma məntəqəsində çalışan Yusif (soyadı hələlik məlum deyil) adlı şəxs yumaq üçün məntəqəyə gətirilmiş “Toyota Prado” markalı avtomobili qanunsuz götürərək idarə edərkən təmir sexinin qarşısında dayanmış “Opel” markalı avtomobilə çırpıb. Nəticədə avtomobilini təmir elətdirən “Opel”in sürücüsü Saleh Ağayev öz maşınının altına düşərək ölüb.

Faktı bağlı araşdırma aparılır.