Bakıda parklanma xaosu: Avtomobillər bir-birinin çıxışını çətinləşdirdi – VİDEO

Bakıda sürücülərin parklanma qaydalarına və digər nəqliyyat vasitələrinin hərəkət imkanlarına diqqət etməməsi narazılığa səbəb olub.

Avtosfer.az xəbər verir ki, sürücülərdən birinin qeydə aldığı görüntülərdə avtomobillərin parklanma yerində bir-birinə həddindən artıq yaxın saxlanıldığı görünür. Nəticədə nəqliyyat vasitələrinin manevr etməsi və park yerindən çıxması xeyli çətinləşib.

Görüntüləri çəkən sürücü də vəziyyətdən narazılığını bildirərək avtomobillərin bu formada park edilməsinin düzgün olmadığını qeyd edib. Xüsusilə nəqliyyat vasitələrinin bir-birinə çox yaxın yerləşdirilməsi digər sürücülərin öz avtomobillərinə rahat şəkildə daxil olub-çıxmasına maneə yaradır.

Belə vəziyyətlər isə yalnız sürücülər üçün narahatlıq yaratmır. Təcili vəziyyət yarandıqda avtomobilin qısa müddətdə park yerindən çıxarılması, yaxud ərazidə hər hansı xüsusi xidmət nəqliyyatının hərəkəti də çətinləşə bilər.

Eltac Zülfüqaroğlu