Bakıda “şou” göstərən motosikletçi az qala maşına çırpılacaqdı - VİDEO

Paytaxtın Nərimanov rayonunda qaydaları kobud şəkildə pozan motosiklet sürücüsünün görüntüləri sosial şəbəkədə paylaşılıb.

Avtosfer.az-ın məlumatına görə, hadisə Əhməd Rəcəbli küçəsində qeydə alınıb.

Kadrlardan görünür ki, “Dayun DY250-8 Sport” markalı motosikletin sürücüsü yolda təhlükəli manevrlər edərək gah sağa, gah da sola hərəkət edir. Bununla da o, həm özünün, həm də digər hərəkət iştirakçılarının təhlükəsizliyini riskə atır.

Motosiklet sürücüsü onu kameraya çəkən şəxsə tərəf baxaraq sağa manevr edən zaman qarşısındakı avtomobillə toqquşmaqdan son anda yayınır. Lakin bu hadisə də onu dayandırmır və sürücü təhlükəli manevrlərini davam etdirir.

Nərmin