Bakı–Ələt yolunda “07”nin təkəri yerindən çıxıb irəlilədi, sonda… - VİDEO

Bakı–Ələt yolunda təhlükəli anlar kameraya düşüb.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb.

Hərəkətdə olan “VAZ-2107” markalı avtomobilin təkəri yerindən çıxaraq bir müddət yol boyunca sərbəst hərəkət edib. Bu zaman təkər digər nəqliyyat vasitələri üçün təhlükə yaradıb və hərəkəti ləngidib.

Xoşbəxtlikdən qəza baş verməyib. Kadrlardan görünür ki, təkəri çıxan avtomobilin sürücüsü maşını yol kənarında saxlayıb, yaxınlaşan təkəri isə sərnişin vaxtında dayandırıb.

Qeyd edək ki, bu cür hallar adətən təkərin düzgün bərkidilməməsi, avtomobilin texniki nasazlığı və ya yol şəraitindən qaynaqlanır. Sürücülər avtomobillərinin təkərlərini və mühüm hissələrini mütəmadi yoxlamalı, hər hansı sərbəst hərəkət edən əşyalara qarşı diqqətli olmalıdırlar. 
 

Nərmin