"BakuBus" avtobuslarının biabırçı qayda pozuntuları: Sürücülər zolaq tanımır - VİDEO

Bakıda manevr qaydasını pozan "BakuBus" avtobuslarının sürücüləri kameraya düşüb. Avtosfer.az xəbər verir ki, hadisə aprelin 14-də, paytaxtın İnşaatçılar və Nəriman Nərimanov prospektində qeydə alınıb. Belə ki, 77-JS-961 qeydiyyat nişanlı avtobusun sürücüsü iki zolağın arasında dayanaraq qaydaları pozub. Daha sonra düzünə hərəkət təşkil edilmiş zolaqla hərəkət edərək son anda sola dönüb. Bu zaman döngədəki bütöv xəttin üzərindən keçərək manevr qaydasını pozub.

99-JZ-396 qeydiyyat nişanlı avtobusun da sürücüsü iki zolağın arasında dayanaraq digər sürücülərin yolunu kəsib.

Sürücülərə tövsiyə olunur ki, zolaqda düzgün yerləşmə qaydalarına riayət etsinlər və digər hərəkət iştirakçılarına maneə yaratmaqdan çəkinərək daha məsuliyyətli davransınlar.

Fərid