Baş yoldakı avtomobili gözləməyən sürücü qəza şəraiti yaratdı - VİDEO

Paytaxtın Xətai rayonunda qayda pozan sürücü kameraya düşüb.

Avtosfer.az-ın məlumatına görə, hadisə iyunun 13-də saat 05:58 radələrində qeydə alınıb. Belə ki, Babək prospektindən hərəkət edən 90-HT-649 dövlət qeydiyyat nişanlı “Ford” markalı yük avtomobilinin sürücüsü baş yolda hərəkətdə olan nəqliyyat vasitəsini gözləmədən hərəkətini davam etdirib. Bu zaman o, Məhəmməd Hadi küçəsi istiqamətində hərəkətdə olan avtomobil üçün qəza şəraiti yaradıb. Təhlükəylə üzləşən sürücü sol zolağa manevr edərək baş verəcək qəzadan yayınıb. 

Qeyd edək ki, yol hərəkəti qaydalarına əsasən, ikinci dərəcəli yoldan hərəkətə başlayan sürücü baş yolda olan nəqliyyat vasitələrinə yol verməli, yalnız təhlükəsizliyi tam təmin etdikdən sonra manevr etməlidir.

Nərmin