Baş yoldakı maşını gözardı edən sürücü az qala qəza törədəcəkdi - VİDEO

Paytaxtın Binəqədi rayonunda qayda pozan sürücü kameraya düşüb.

Avtosfer.az-ın məlumatına görə, hadisə bir neçə gün əvvəl Sulutəpə dairəsində qeydə alınıb.

Görüntülərdən aydın olur ki, “Mitsubishi” markalı avtomobilin sürücüsü yolayrıcının keçilməsi qaydasını pozub. Belə ki, o, baş yolla hərəkət edən nəqliyyat vasitəsinə yol vermədən hərəkətini davam etdirib. Bu zaman qəza şəraiti yaranıb. Görüntünü qeydə alan avtomobilin sürücüsü vaxtında dayanaraq toqquşmanın qarşısını alıb.

Xatırladaq ki, ikinci dərəcəli yolda hərəkət edən sürücü baş yoldakı nəqliyyat vasitələrinə yol verməlidir. Belə hallarda digər sürücülərin vaxtında reaksiya verməsi qəzanın qarşısını ala bilsə də, bu, qayda pozuntusuna haqq qazandırmır.

Nərmin