Başı telefona qarışan sürücü keçiddə qızı vurdu - VİDEO

Sükan arxasında baş telefona qarışan sürücü piyada keçidində məktəbli qızı vurub. Avtosfer.az xəbər verir ki, hadisə Rusiyanın Maqnitoqorsk şəhərində baş verib.

Məlumata görə, adı və soyadı açıqlanmayan sürücü idarə etdiyi “Mercedes” markalı minik avtomobili ilə hərəkətdə olan zaman başı telefona qarışıb. Diqqəti yoldan yayınan sürücü idarə etdiyi avtomobillə  piyada keçidindən keçən 15 yaşlı qızı vurub. Zərbənin təsirindən piyada havaya qalxaraq 5-6 metr kənara düşüb.

Qəza nəticəsində ağır xəsarətlər alan zərərçəkən hadisə yerinə çağırılan təcili tibbi yadım maşını ilə xəstəxanaya aparılıb.

Faktla bağlı araşdırma aparılır.

Namiq Musayev